Qëllim parësor i veprimtarisë së tërësishme arsimore në Kolegjin Dardania është që studentët sistematikisht të aftësohen në fushat akademike, profesionale dhe praktike.

Rezultatet e të nxënit të programit janë të përcaktuara në përputhje me KKK (Korniza Kombëtare e Kualifikimeve) dhe në përputhje me Kornizën për Kualifikimet e Zonës Evropiane të Arsimit të Lartë.

Pas përfundimit të studimeve në Përkujdesje dhe Mirëqenie Sociale, studentët do të jenë në gjendje të:

• Të kenë njohuritë dhe aftësi në psikologji, sociologji, pedagogji dhe fushat tjera të afërta me fushën e përkujdesjes dhe të mirëqenies sociale, duke përfshirë dizajnimin dhe përdorimin e instrumenteve për analizimin e konteksteve dhe përmirësimin e praktikave në vendin e punës të punonjësit social;
• Demonstrojnë një kuptim kritik dhe integrues të marrëdhënies në mes teorisë, hulumtimit dhe praktikave të mira;
• Të posedojnë një sërë praktikash si dhe aftësi konsultuese të përshtatshme për fushën e përkujdesjes dhe mirëqenies sociale;
• Të vlerësojnë, çështjet kyçe etike ligjore dhe të punës sociale në praktikën profesionale në përkujdesje dhe mirëqenie sociale;
• Të jenë të pajisur me aftësi të avancuara kërkimore si dizajnimin, kryerjen dhe ekzekutimin e projekte kërkimore;
• Të jetë në gjendje të përdorin njohuritë dhe dëshmitë e mbledhura nga projekte kërkimore për të informuar aplikim e tyre në problemet e që shfaqen në mjediset e punës;
• Të komunikojnë në mënyrë profesionale në mjediset akademike e profesionale;
• Të kenë besim në njohuritë e tyre që të mund të operojnë në kontekste komplekse dhe të panjohura, përmes aplikimit të njohurive fleksibile, kreative, dhe gjenerimit të zgjidhjeve transformuese.