Kolegji Dardania me seli në Prishtinë shpall:

K O N K U R S

PËR STAF AKADEMIK

Bazuar në Statutin e Kolegjit Dardania dhe Rregulloren për Procedurat Përzgjedhëse lidhur me Emërimin, Riemërimin dhe Avancimin e Personelit Akademik, Kolegji Dardania shpall konkurs për zgjedhje dhe rizgjedhje të stafit akademik në fushat si në vijim:

• Psikologji;
• Punë Sociale;
• Menaxhment dhe Biznes;
• Shkenca Politike dhe Administrim Publik;
• Gjuhë dhe Shkencat Filologjike;
• Arkitekturë;
• Arte dhe Dizajn;
• Shkenca Kompjuterike.

Forma e Angazhimit

• Staf akademik me orar të plotë;
• Staf akademik me orar të pjesshëm;
• Ligjerues;
• Asistent;
• Bashkëpunëtorë të jashtëm akademik.

Kualifikimet e nevojshme

• Kandidatët duhet të kenë të përfunduara studimet e Doktoratës në fushën përkatëse;
• Të kenë të paktën një punim shkencor në fushën përkatëse të publikuar në revista kredibile, me përparësi në revista të indeksuara në Scopus/WoS;
• Të kenë përvojë në mësimdhënie, kërkim shkencor ose përvojë profesionale relevante;
• Për fushat profesionale dhe aplikative, mund të konsiderohen edhe kandidatët që kanë përfunduar studimet Master, dhe kanë përvojë të dëshmuar profesionale mbi 5 vite, portofolio relevante, certifikime profesionale ose kontribut të veçantë në fushën përkatëse.

Përparësi do të kenë kandidatët që dëshmojnë:

• Publikime shkencore në revista ndërkombëtare kredibile; 
• Pjesëmarrje në projekte kërkimore, profesionale ose zhvillimore; 
• Përvojë në hartimin dhe zhvillimin e programeve studimore; 
• Përvojë të mëparshme në institucione të arsimit të lartë;
• Përvojë në mentorimin e studentëve; 
• Përvojë në bashkëpunim me industrinë, institucionet publike, dhe organizatat ndërkombëtare;
• Aftësi në përdorimin e teknologjisë në mësimdhënie; 
• Gatishmëri për angazhim në aktivitete institucionale, akademike dhe kërkimore.

Dokumentet për aplikim:

• Aplikacionin e plotësuar dhe CV;
• Kopjet e diplomave të noterizuara (Doktoraturë, Master dhe Bachelor);
• Dëshmitë e nostrifikimit të diplomave (për të diplomuarit jashtë vendit) të noterizuara;
• Dëshmi në lidhje me përvojën e punës akademike/profesionale;
• Dëshmi të publikimeve relevante ose linqet e publikimeve;
• Ekstrakti i lindjes;
• Kopje e letërnjoftimit;
• Çertifikatën se ndaj tij/saj nuk ndërmirret ndonjë procedurë hetuese;
• Leja e qëndrimit dhe leja e punës (për kandidatët që nuk janë shtetas të Republikës së Kosovës);
• Dokumente tjera shtesë relevante (Certifikime, trajnime, mirënjohje, etj.).

Mënyra e Aplikimit

Dokumentacioni i kompletuar për aplikim duhet të dërgohet në formë elektronike në email adresen: jobs@kolegjidardania.com 

Kandidatët duhet të specifikojnë në aplikacion fushën/pozitën për të cilën aplikojnë dhe formën e angazhimit për të cilen janë të interesuar. Vetëm kandidatët e listës së ngushtë do të ftohen për intervistë.

Aplikacioni i konkursit mund të shkarkohet duke klikuar këtu.