Kolana e veprave të akademik Esat Stavilecit “nga njëzet vëllime të botuara gjashtëmbëdhjetë sosh janë vepra politico-hisotrike, tri vepra shkencore dhe një libër universitar… Kjo strukturë e botimeve ka laryshi tematike, që lidhet pak a shumë me ndryshime politike, sociale e juridike të Kosovës, si dhe me gjenezën e këtyre ndryshimeve… Në këto komplete paraqiten zhvillimet e përgjithshme të shqipëtarëve të Kosovës dhe të kombit shqipëtar të përforcuara dhe unike në mbështetje të përfaqësimit komplet të pikëpamjeve, qëndrimeve, polemikave, vështrimeve dhe kritikave të mendimtarëve dhe të krijuesve të një kombi të ndarë në disa shtete që përkufizojnë Shqipërinë me vise shqipare” (nga parathënia e kompletit të veprave të akademik Esat Stavileci).

“Është kohë e fundit që mbi Kosovën dhe mbi shqiptarët të flasin dhe të shkruajnë vet ata dhe në këtë mënyrë, opinionit të brendshëm, por edhe atij të jashtëm, t’ia prezantojnë të vërtetën për vetën. Asnjëherë sa sot dhe si sot nuk kemi pasur aq shumë njerëz profilesh të ndryshme që mund t’i dalin zot çështjes së Kosovës dhe çështjes shqipare”. Akademik Esat Stavileci