Misioni, Vizioni dhe Objektivat
Kolegji Dardania ju përgatit të filloni karrierën tuaj duke ju siguruar një mjedis mbështetës dhe krijues përmes programeve unike të studimit.
Misioni dhe Vlerat e Kolegjit Dardania
Kolegji Dardania është një institucion privat i arsimit të lartë që ofron arsim cilësor në fushën e shkencave shoqërore: shkenca politike, ekonomi dhe psikologji. Përmes aktivitetit të tij akademik dhe shkencor, Kolegji Dardania ofron mundësi për zhvillim akademik dhe profesional, kualifikim praktik dhe shërbim në komunitet që kontribuon në ndërtimin e kapaciteteve të nevojshme për zhvillimin e qëndrueshëm të shoqërisë kosovare.
Përmes mësimdhënies dhe kërkimit shkencor, Kolegji ndërton staf të kualifikuar dhe të aftë profesionalisht për të kontribuar në avancimin e politikave publike, zhvillimin ekonomik dhe rritjen e cilësisë së jetës shoqërore dhe kulturore në Kosovë.
Kolegji ofron studime multidisiplinare që përparojnë njohuritë e studentëve dhe aftësitë e tyre për t'u bërë nxënës gjatë gjithë jetës.
Si pjesë e Zonës Evropiane të Arsimit të Lartë, në programet e tij Kolegji zbaton standardet e përbashkëta të Deklaratës së Bolonjës, duke nxitur bashkëpunim intensiv me institucionet e arsimit të lartë në Bashkimin Evropian dhe më gjerë.
Objektivat e Kolegjit Dardania
Kolegji Dardania synon përmbushjen e objektivave të mëposhtme:
- Të ofrojë arsim cilësor në fushën e shkencave sociale, duke përfshirë shkencat politike, ekonominë dhe psikologjinë, në përputhje me standardet evropiane të arsimit të lartë.
- Të zhvillojë studentët në aspektin akademik dhe t'i kualifikojë ata në aspektin profesional, duke i përgatitur për tregun e punës dhe sfidat e shoqërisë bashkëkohore në nivel lokal dhe ndërkombëtar.
- Të ngritë kapacitetet kërkimore shkencore, me qëllim kontributin në avancimin e njohurive dhe zgjidhjen e problemeve sociale përmes kërkimit të aplikuar.
- T’i edukojë studentëve për të mësuar gjatë gjithë jetës duke zbatuar një qasje ndërdisiplinore dhe metodologji bashkëkohore të mësimdhënies.
- Të promovojë zhvillimin e qëndrueshëm të shoqërisë kosovare përmes arsimimit të kuadrove përgjegjëse dhe aktive në jetën publike dhe institucionale.
- Të rrisë cilësinë e jetës shoqërore dhe kulturore në Kosovë përmes arsimimit të kuadrove, të aftë për të ndikuar në zhvillimin e politikave të sistemit publik dhe ekonomik.
- Të zbatojë standardet e Deklaratës së Bolonjës duke siguruar krahasueshmëri, transparencë dhe bashkëpunim me institucionet në Zonën Evropiane të Arsimit të Lartë.
- Të inkurajojë bashkëpunimin akademik ndërkombëtar përmes partneriteteve me universitete dhe institucione në BE dhe më gjerë.
Vlerat
Kolegji Dardania ka identifikuar vlerat kryesore që do të na ndihmojnë të realizojmë misionin tonë dhe kështu i gjithë stafi akademik por edhe administrativ janë të përkushtuar që t'i adoptojnë këto vlera:
Barazia dhe Diversiteti
Na shtyn që të vlerësojmë kontributin e çdo personi duke pasur parasysh perspektivat e ndryshme. Pavarsisht religjionit, gjinisë, etnicitetit, dhe dallimeve tjera, Kolegji Dardania është përkushtuar drejt respektimit të dinjitetit personal dhe potencialit individual në mënyrë që të mos i mohohen të drejtat asnjë studenti në një botë demokratike. Përkushtimi ynë orientohet drejtë një trajtimi të barabartë dhe të drejtë të të gjithë punonjësve dhe studentëve. Prandaj jemi të përkushtuar fuqimisht për të punuar për të adresuar dhe zhbërë efektet e pabarazisë dhe padrejtësisë strukturore, institucionale dhe sistematike.
Qëndrueshmëria
SHËRBIMI
Kjo e bënë Kolegjin Dardania të veçantë sepse ne jemi në vazhdimësi të angazhuar drejt avancimit të shërbimeve ndaj studentëve për mirëqenien e mirëfilltë të tyre. Shërbimi ndaj studentëve është një parim themelor i institucionit tonë, ashtu siq është edhe shërbimi i studentëve që të përdorin aftësitë e tyre për të ndihmuar të tjerët në praktikat brenda dhe jashtë Kolegjit përmes mundësive të ndryshme dhe punëve vullnetare.
INTEGRITETI
Integriteti pasqyron aftësitë për të realizuar më të mirën përmes programeve dhe aktiviteteve tona. Ne i kushtojmë rëndësi integritetit personal dhe institucional duke treguar koherencë në mes fjalëve dhe akteve. Ky integritet bënë thirrje që të gjithë anëtarët e komunitetit të Kolegjit Dardania të jetojnë në përputhje me atë që kolegji pretendon si një institucion i arsimit të lartë.
Bashkëpunimi
Kultura organizative brenda Kolegjit Dardania kontribuon drejt vizionit për të qenë progresiv në botën akademike. Angazhimi frymëzues dhe i përgjegjshëm me stafin akademik dhe atë administrativ, studentët dhe mjedisin e jashtëm promovon një ndikim pozitiv drejt suksesit.
Laurent Krasniqi
BA Administrim Biznesi dhe Ekonomiks
"Unë kam takuar disa nga miqtë e mi më të mirë përgjatë studimeve në Kolegjin Dardania. Ishte një eksperiencë vërtet e shkëlqyeshme për të kuptuar komunitetin dhe për tu integruar në të.”