Anesa Gashi është një studente e dalluar në Fakultetin Psikologji Aplikative dhe Studime Menaxheriale të Kolegjit Dardania. Teksa hyri në vitin e saj të fundit, Anesa tregoi zell të jashtëzakonshëm në studime dhe falë punës së saj u bë e kërkuar dhe e dashur nga kolegët. Anesa nuk u kufizua vetëm në studime por krahas studimeve u angazhua si vullnetare në disa firma dhe organizata konsulente të burimeve njerëzore. Pasioni i saj për këtë fushë, i kombinuar me performancën e saj të fortë akademike, tërhoqi vëmendjen e shumë firmave të njohura konsulente menaxheriale. Ata i ofruan asaj një pozicion me orar të plotë dhe si studente, falë potencialeve të saj angazhohet TOP konsulente. Puna e saj është të ndihmojë koorporatat të përmirësojnë kulturën në vendin e punës, të zbatojnë praktika efektive të burimeve njerëzore dhe të nxisin performancën organizative. Puna e palodhur, suksesi dhe vendosmëria e Anesës e bënë atë të jetë bursiste 3 vjeçare në Kolegjin Dardania. Anesa shprehet: “Faleminderit Kolegji Dardania për arsimin dhe për përvojat e çmueshme që kam fituar. Çmoj lartë përkushtimin e stafit akademik dhe administrative për punën akademike dhe angazhimin për arritjen e suksesit maksimal të studentëve. Mbështetja financiare që më ofroi Kolegji Dardania në formë të bursës studentore 3 vjeçare ishte motivim shtesë dhe obligim moral për suksesin e arrititur. E vlerësoj lartë konsideratën që Kolegji Dardania kishte ndaj meje dhe do të jem mirënjohëse përherë”!