IPKO prezantoi mundësitë e punësimit para studentëve të Kolegjit Dardania

Share on facebook
Share on pinterest
Share on twitter

Zyra për Orientim të Karrierës në bashkëpunim me IPKO Telecommunications organizoi një ligjeratë të hapur për studentët në lidhje me programin e praktikës dhe punësimit.

Në radhë të zhvillimit të aktiviteteve të Zyrës për Orientim të Karrierës të Kolegjit Dardania, me datë 20.04.2022 u mbajt një ligjeratë e hapur për Orientimin dhe Zhvillimin e Karrierës nga Dr.sc. Arta Koka Grubi. Njëherit, si përfaqësues nga IPKO Telecommunications, Dr.sc. Arta Koka Grubi së bashku me Fortesa Manaj prezantuan programin e praktikës dhe zhvillimin e mëtutjeshëm profesional.

Në këtë ligjeratë studentët patën mundësinë që të njihen me mënyrën dhe metodat e zhvillimit të strategjisë së kësaj kompanie e cila ndihmon në ngritjen profesionale duke ofruar informacione aktuale për tregun e punës. Po ashtu, studentët u njoftuan edhe për mundësitë e punës praktike me pagesë dhe punësim në IPKO Telecommunications.