Në këtë ditë të veçantë, Kolegji Dardania shpreh mirënjohjen dhe respektin më të thellë për të gjitha gratë për kontributin e tyre të çmuar në edukim, shkencë, shoqëri dhe në ndërtimin e një të ardhmeje më të ndritur.
8 Marsi është një ditë reflektimi dhe vlerësimi për forcën, përkushtimin dhe rolin e pazëvendësueshëm të gruas në çdo fushë të jetës. Gratë janë frymëzim për brezat, bartëse të dijes dhe shtyllë e zhvillimit të shoqërisë sonë.
Me këtë rast, Rektorja e Kolegjit Dardania përcjell këtë urim:
“Të dashura studente, profesoresha, bashkëpunëtore dhe të gjitha gratë, ju uroj nga zemra 8 Marsin, Ditën Ndërkombëtare të Gruas. Kontributi juaj në arsim, shkencë dhe shoqëri është i paçmueshëm. Ju jeni shembull i forcës, mençurisë dhe përkushtimit. Uroj që kjo ditë të jetë një festë dinjiteti, suksesi dhe vlerësimi për secilën prej jush. Gëzuar 8 Marsin!”
Kolegji Dardania mbetet i përkushtuar në promovimin e barazisë, fuqizimit dhe mbështetjes së grave në çdo dimension akademik dhe profesional.
Gëzuar 8 Marsin!
